بھارت :اسٹیٹ بینک میں بیل گھس گیا، ویڈیو وائرل

ویب ڈیسک -
620

نئی دہلی: اسٹیٹ بینک آف انڈیا کی ایک برانچ میں بیل گھسنے پر افراتفری مچ گئی۔

تفصیلات کے مطابق بھارتی ریاست اترپردیش کے شہر اناؤ کی اسٹیٹ بینک آف انڈیا کی شاہ گنج برانچ میں سردی کے باعث بیل کے آنے سے لوگ ڈر کے مارے ادھر اُدھر بھاگنے لگے۔

سماجی رابطے کی ویب سائٹ ایکس (ٹوئٹر) پر ویڈیو میں دیکھا جاسکتا ہے کہ بیل بینک کے اندر موجود ہے جبکہ عملے کی جانب سے لوگوں سے کہا جارہا کہ ادھر سے ہٹ جائیں اور پیچھے کی طرف آجائیں ۔

غیر ملکی میڈیا رپورٹس کے مطابق پولیس موقع پر پنہچ کر بیل کوعمارت سے نکالنے میں کامیاب رہی۔

 ویڈیو میں دیکھا جا سکتا ہے کہ کس طرح پولیس ہلکار ڈنڈے کی مدد سے بیل کو باہر نکلنے کی کوشش کررہے ہیں، خوش قسمتی سے بیل نے کسی کو کوئی نقصان نہیں پہنچایا۔

 بینک میں کھڑے ایک شخص نے بیل کی ویڈیو بنا کر سوشل میڈیا پر پوسٹ کر دی جس پر لوگوں نے دلچپسپ  تبصرے کیے ہیں۔

مزید خبریں