لاہور: قومی کرکٹ ٹیم کے فاسٹ بائولر نسیم شاہ کو اسلام آباد یونائیٹڈ کی طرف سے ساڑھے 4 کروڑ روپے ملیں گے۔
کوئٹہ گلیڈی ایٹرز میں شامل نسیم شاہ کی فین فالوونگ کو دیکھتے ہوئے کئی فرنچائزز ان سے معاہدہ کرنا چاہتی تھیں تاہم اس میں کامیابی اسلام آباد یونائیٹڈ کو ملی۔
ذرائع نے بتایا کہ ان کا معاوضہ تقریبا ساڑھے چار کروڑ روپے ہو گا، پی ایس ایل کیلئے پلیئرز کی ریٹینشن کا اعلان 7 دسمبر کو کیا جائے گا، البتہ ابھی تک بجٹ اور سیلری کیپ کا ہی فیصلہ نہیں ہو سکا۔
فرنچائزز کیٹیگری کو مدنظر رکھتے ہوئے 8کھلاڑیوں کو برقرار رکھ سکیں گی،گزشتہ برس کا سیلری کیپ 13 لاکھ ڈالر فی ٹیم تھا۔
