بیجنگ : چینی وزیر خارجہ وانگ یی نے کہا ہے کہ چین غزہ میں جاری بحران کے خاتمے میں مدد کے لیے اقوام متحدہ کی سلامتی کونسل (یو این ایس سی) میں اپنی ذمہ داریاں پوری کرنے اور جلد از جلد قراردادیں منظور کرنے کے لیے دبا ئوڈالتا رہے گا۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے ان خیالات کا اظہار سعودی وزیر خارجہ فیصل بن فرحان آل سعود کے ساتھ فون پر بات چیت کے دوران کیا۔سعودی وزیر خارجہ نے فلسطین اسرائیل تنازعہ میں انصاف کو برقرار رکھنے اور عرب ممالک کے اقدامات اور تجاویز کی حمایت کرنے پر چین کا شکریہ ادا کیا۔
انہوں نے سلامتی کونسل کو کارروائی کرنے پر مجبور کرنے کے لیے ایک بڑے ملک کے طور پر چین کے کردار کو سراہا۔انہوں نے کہا کہ سعودی عرب فوری جنگ بندی کا مطالبہ کرتا ہے تاکہ اس بات کو یقینی بنایا جا سکے کہ امدادی سامان جلد از جلد غزہ تک پہنچ سکے تاکہ انسانی مصائب کو کم کیا جا سکے۔
