ہنگو میں تھانہ دوآبہ میں مسجد کے اندر دھماکا ہوا ہے۔ جس میں 3 نمازی شہید متعدد زخمی ہوگئے۔
پولیس کے مطابق ہنگو میں مسجد کے اندر خودکش دھماکا ہوا، 2 شدت پسندوں نے تھانہ دو آبہ میں اندر گھسنے کی کوشش کی، تھانے کے گیٹ پر دہشتگردوں نے فائرنگ شروع کی۔
تھانہ ایس ایچ او ہنگو کا کہنا ہے کہ دھماکہ نماز جمعہ کے دوران ہوا،مسجد کے اندر 60 سے70 کے قریب نمازی موجود تھے۔
ذرائع کے مطابق دھماکے سے مسجد کی چھت منہدم ہوگئی۔ ملبے سے لوگوں کو نکالنے کیلئے ریسکیو آپریشن جاری ہے۔ زخمیوں کو قریبی ہسپتال منتقل کر دیا گیا۔
پولیس کے مطابق دھماکا تھانہ دوآبہ کی حدود میں مسجد میں ہوا، جس سے مسجد زمین بوس ہوگئی، دھماکے میں 4 افراد جاں بحق اور 12 زخمی ہوئے ہیں۔
ڈی پی او ہنگو کا بتانا ہے کہ دھماکا جمعہ کی نماز کے خطبہ کے دوران ہوا، 30 سے 40 نمازی ملبے تلے دبے ہوئے ہیں جنہیں نکالنے کا سلسلہ جاری ہے۔
