کراچی: پاکستان والی بال ٹیم نے ایشین گیمز میں جنوبی کوریا کو شکست دے کر کوارٹر فائنل میں رسائی حاصل کرلی۔
خبر رساں اداروں کے مطابق چین میں جاری 19 ویں ایشین گیمز میں پاکستان کی والی بال ٹیم نے ٹورنامنٹ میں پول ڈی میں اپنا تیسرا لیگ میچ جنوبی کوریا کو شکست دے کر جیت لیا، جس کے بعد ٹیم کوارٹر فائنل میں پہنچ گئی۔
دونوں ٹیموں کے درمیان میچ کے دوران مقابلہ بہت دلچسپ رہا، تاہم پاکستان نے تین صفر سے شکست دے کر کامیابی اپنے نام کی۔
واضح رہے کہ پاکستان نے اس سلسلے کے افتتاحی میچ میں منگولیا کو ہرایا تھا جب کہ دوسرے میچ میں چائنیز تائپے کو شکست دی۔ پاکستان کا سیمی فائنل کے لیے مقابلہ قطر سے ہوگا۔
