کراچی: ملک بھر کی طرح شہر قائد میں بھی چینی کی قیمت عوام کی پہنچ سے باہر ہوتی جا رہی ہے۔ کراچی میں چینی 175 روپے فی کلو تک پہنچ چکی ہے۔
نجی ٹی وی کے مطابق گزشتہ چند روز کے دوران چینی کی فی کلو تھوک قیمت میں 40 روپے تک کا اضافہ ہو چکا ہے، جس کے نتیجے میں چینی کی فی کلو تھوک قیمت 125 سے 165 روپے ہو چکی ہے اسی طرح ریٹیل قیمت میں بھی فی کلوگرام 40 روپے تک کا اضافہ ہوچکا ہے، جس سے قیمت 175 روپے ہوگئی۔
رپورٹ کے مطابق ذرائع کا کہنا ہے کہ چینی برآمد کرنے کی اجازت دینے کے بعد مافیا کی جانب سے یومیہ بنیادوں پر چینی کی قیمتیں بڑھائی جارہی ہیں۔ مافیاز نے اپنے گوداموں میں چینی جمع کرکے تھوک مارکیٹوں میں مصنوعی قلت پیدا کر رکھی ہے۔
