اسلام آباد:تیسری چترال فٹ بال لیگ (سی ایف ایل)26 اگست سے چترال کے شہر دروش میں شروع ہو گی،پاکستان آرمی ٹائٹل کا دفاع کرے گی۔
گزشتہ روز چترال فٹ بال لیگ کے چیف آرگنائزر کمال عبدالجمیل نے بتایا کہ لیگ کی تیاریاں ابھی سے شروع کردی گئی ہیں۔
جس میں ملک بھر سے سولہ ٹیمیں شرکت کریں گی جن میں پاکستان آرمی، پاکستان پولیس، افغان ٹی وی، جانباز کلب ژوب، المعراج ٹائیگرز ہزارہ، پاک وطن کلب مردان اور لالک جان سٹارز یاسین کے علاوہ مقامی ٹیمیں بھی شامل ہیں۔ اور لیگ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔
انہوں نے کہا کہ لیگ میں پاکستان آرمی کی ٹیم اپنے ٹائٹل کا دفاع کرے گی۔ لیگ کا آغاز 2021 میں ہوا چترال فالکن نے پہلا ٹائٹل اپنے نام کیا۔ 2022 میں کھیلا گیا دوسرا ٹائٹل پاکستان آرمی نے اپنے نام کیا۔
