نئی دہلی: دنیا بھر میں مذہبی بنیادوں پر تشدد کے شکار افراد کے ساتھ یکجہتی کا عالمی دن منایا گیا، مذہبی انتہا پسندی اور اقلیتوں کے خلاف تشدد میں ہندوستان پیش پیش ہے۔
میڈیا رپورٹس کے مطابق آزادی سے اب تک 93,647مسلم کش واقعات میں 5لاکھ سے زائد مسلمان شہید کیے جا چکے ہیں،1989میں بہار، 2002میں گجرات اور 2020میں دہلی فسادات کے دوران ہزاروں مسلمانوں کو شہید کر دیا گیا۔
عیسائیوں کے خلاف نفرت انگیز جرائم بھی رواں سال کے پہلے 6مہینوں میں 400سے تجاوز کر گئے1998میں گجرات، 2008میں اڑیسہ اور حالیہ منی پور فسادات میں ہزاروں عیسائی انتہا پسندوں کے ہاتھ جاں بحق ہوئے،اوپن ڈورز آرگنائزیشن کا کہنا ہے کہ عیسائیوں کے خلاف تشدد میں ہندوستان 2014میں 28ویں نمبر سے 2022میں 10ویں نمبر پر آ چکا ہے۔
عالمی میڈیا کی رپورٹ کے مطابق مودی کے اقتدار میں آنے بعد دلتوں کے خلاف جرائم میں 66فیصد اضافہ ہوا، نیشنل کرائم ریکارڈ بیورو کے مطابق گزشتہ 5برسوں میں نچلی ذات کے ہندوں کے خلاف ڈھائی لاکھ سے زائد نفرت انگیز جرائم ہوئے،2000میں کرناٹکا اور 2012میں تامل ناڈو فسادات کے دوران ہزاروں دلت ہندوں کو اونچی ذات کے ہندوں نے موت کے گھاٹ اتار دیا تھا،1984میں جموں، 1969میں گجرات اور 2000میں چٹی سنگھ پورہ فسادات کے دوران ہزاروں سکھوں کو موت کے گھاٹ اتار دیا گیا۔
