اسلام آباد:چیف جسٹس پاکستان عمر عطا بندیال نے کہا ہے کہ اقلیتوں کے حقوق کا تحفظ ریاست کا بنیادی فرض ہے، آئین پاکستان اقلیتوں کو تحفظ فراہم کرتا ہے۔
چیف جسٹس نے کہا کہ اقلیتوں کو درپیش چیلنجز کیلئے مشترکہ کاوشوں کی ضرورت ہے، ہر پاکستانی کو مذہبی آزادی حاصل ہے، سپریم کورٹ اقلیتوں کے حقوق کی امین ہے۔
انہوں نے کہا کہ سپریم کورٹ نے اقلیتوں کے حقوق کے تحفظ کیلئے متعدد فیصلے بھی کیے، سپریم کورٹ نے مسیحی اور ہندو برادری کی عبادت گاہوں کے تحفظ کیلئے بھی اقدامات کیے۔
