پشاور: خیبرپختونخوا کے صوبائی دارالحکومت پشاور میں دھماکے کے باعث ایک شہری شہید ہو گیا۔جبکہ 3 افرادکے زخمی ہونے کے اطلاعات ہیں۔
تفصیلات کےمطابق پشاور کے علاقے رنگ روڈ میں حیات آباد کے قریب دھماکا ہوا، دھماکے میں ایک شخص شہید ہو گیا جبکہ تین افراد زخمی ہو گئے ہیں۔ ،دھماکے کے بعد فوری بعد سکیورٹی فورسز نے جائے وقوعہ پر پہنچ کر علاقے کو گھیرے لے لیا ہے۔
پولیس ذرائع کے مطابق پشاور کے قلب میں ہونے والے دھماکے سے ورکشاپ اور رہائشی عمارتوں کو کافی نقصان پہنچا۔ دھماکے کی شدت سے کھڑکیوں کے شیشے ٹوٹ گئے اور دھوئیں کے بادل چھاگئے۔
ایس پی کینٹ وقاص رفیق کہنا تھا کہ دھماکا موٹر سائیکل میں ہوا ہے، بم ڈسپوزل اسکواڈ طلب کر لیا ہے اور ابتدائی تفتیش جاری ہے۔ زخمیوں کو فوری طور پر طبی امداد کے لیے ہسپتال منتقل کر دیا گیا ہے۔
پولیس ترجمان نے تصدیق کی کہ دھماکے کی وجہ جاننے کے لیے تحقیقات کا آغاز کر دیا گیا ہے۔ ابتدائی نتائج سے پتہ چلتا ہے کہ یہ ایک حادثاتی دھماکا ہو سکتا ہے، دھماکے کی وجہ بننے والے کسی ممکنہ عوامل کو مسترد نہیں کیا ہے۔
