لاہور:مرکزی صدر تحریک انصاف چودھری پرویزالٰہی نے کہا ہے کہ فیصلے کا وقت قریب ہے، عوام کو جلد خوشخبری ملے گی، سپریم کورٹ اور معزز ججوں پر الزم تراشی ن لیگ کا پرانا وطیرہ ہے، شہباز شریف پھر سے الیکشن سے فرار کی تلاش میں ہیں۔
چوہدری پرویز الہی نے کہا کہ پی ڈی ایم جماعتوں کی اکثریت بھی الیکشن کے حق میں ہے، پاکستانی معیشت اور سیاست بچانے کیلئے بولڈ فیصلے کرنا ہوں گے، نااہل حکمرانوں نے میں نہ مانوں کی رٹ نہ چھوڑی تو ملک اور عوام سنگین نتائج سے دوچار ہوں گے۔
انہوں نے کہاکہ عوامی غیض و غضب سے بچنے کیلئے یہ حکمران ایک مرتبہ پھر ملک سے باہر فرار ہو جائیں گے، الیکشن کے سوا خوشحالی کا اور کوئی رستہ نہیں پی ڈی ایم جتنا جلدی سمجھ لے ان کیلئے اتنا ہی اچھا ہے، حکومت ایک تاریخ پر نہیں اپنی مرضی کی تاریخ پر الیکشن چاہتی ہے۔
