راولپنڈی:دھمیال پولیس نے دوہرے قتل کے مقدمے میں نامزد دو ملزمان کو جدید ٹیکنالوجی اور ہیومن انٹیلی جینس کی مدد سے ٹریس کرکے گرفتار کرلیا۔
ایس پی صدر محمد کھوکھر کے مطابق ملزمان کو ٹھوس شواہد کے ساتھ چالان کرکے قرار واقعی سزا دلوائی جائے گی، سنگین مقدمات میں ملوث ملزمان کی گرفتاری لواحقین کو انصاف کی فراہمی میں اہم ہے۔
واضح رہے کہ ملزمان رضوان اور ساجد نے سابقہ دشمنی کی بنا پر فائرنگ کر کے میاں ریاست اور خضر ریاست کو قتل کر دیا تھا، واقعے کا مقدمہ رواں ماہ نثار حسین کی مدعیت میں تھانہ دھمیال میں درج کیا گیا تھا۔
