اسلام آباد:وزیراعظم شہباز شریف نے کہا ہے کہ دہشت گرد امن کیلئے ہماری کوششوں کو سبوتاژ نہیں کر سکتے،پوری قوم شہدا کو سلام پیش کرتی ہے۔
وزیراعظم نے کوہلو میں پاک فوج کے دو افسران کی شہادت پر دکھ و افسوس کا اظہار کرتے ہوئے شہداء کی بلندی درجات کیلئے دعا اور سوگوار خاندانوں سے اظہار تعزیت کیا۔
شہباز شریف نے کہا کہ سیکیورٹی فورسز دہشت گردوں کے مذموم مقاصد کی راہ میں بڑی رکاوٹ ہے، دہشت گرد امن کیلئے ہماری کوششوں کو سبوتاژ نہیں کر سکتے۔
انہوں نے کہا کہ دہشت گردی کے خلاف لڑائی میں شہید ہونے والوں کو پوری قوم سلام پیش کرتی ہے۔
