لاہور: وزیراعظم شہبازشریف نے کہا ہے کہ حکومت آزادیِ صحافت کو ملک میں شفافیت اور احتساب کیلئے کلیدی اہمیت دیتی ہے۔
شہباز شریف کا کہنا تھا کہ پاکستان اور جرمنی کے مابین صحافتی سطح پر تعلقات کو مزید فروغ دینا چاہئیے،وزیرِ اعظم نے اس امر کا اظہار جرمن پریس فیڈریشن کے صدر کرسچئین زرم کی زیرِ قیادت تین رکنی وفد کی ملاقات میں بات چیت کرتے ہوئے کیا ملاقات میں وزیرِ اطلاعات مریم اورنگزیب بھی موجود تھیں۔
وزیراعظم نے اس موقع پر وزارتِ اطلاعات کو ہدایت کی کہ جرمن پریس فیڈریشن کے ساتھ مل کر پیشہ ورانہ تبادلے کی غرض سے تربیت گاہ کے قیام کیلئے پبلک پرائیویٹ پارٹنرشپ پر کام شروع کرے۔ملاقات میں وفد نے دونوں ممالک کے مابین اس شعبے میں تعاون بڑھانے کیلئے صحافتی وفود کے تبادلے کی تجویز دی جسکا وزیرِ اعظم نے خیرمقدم کیا. معاونِ خصوصی سید فہد حسین، سیکٹری اطلاعات اور متعلقہ اعلیٰ حکام بھی شریک ملاقات تھے۔
