اسلام آباد : پاکستان تحریک انصاف کے سیکرٹری جنرل اسد عمر نے کہا ہے کہ ٹیکنوکریٹ حکومت کے چرچے پر کئی لوگ شیروانیاں سلوا کر بیٹھے ہیں۔
میڈیا رپورٹ کے مطابق پی ٹی آئی رہنماء اسد عمر کا کہنا تھا کہ ملک میں ایک ہفتے سے ٹیکنوکریٹ حکومت کا چرچا ہے، پتا چلا ہے کہ کئی لوگ شیروانیاں سلوا کر بیٹھے ہیں، ٹیکنوکریٹ کی باتیں غیرجمہوری سوچ ہے، جمہوری ملک کے فیصلے جمہوری طریقے سے ہونے چاہئیں۔
ان کا کہنا تھا کہ ملک کے تمام مسائل کا حل شفاف الیکشن ہیں، عمران خان وزیراعظم ہوں گے تو حالات ٹھیک ہوجائیں گے۔
