فرانس :دنیا کی سب سے بڑی سنہری مچھلی سمجھی جانے والی نارنجی رنگ کی مچھلی کو برطانیہ کے ایک خوش قسمت ماہی گیر نے پکڑ لیا ۔
غیر ملکی خبر رساں ادارے کے مطابق 42 سالہ برطانوی شخص اینڈی ہیکیٹ بلیو واٹر جھیل میں فرانس کے ماہی گیروں کے ساتھ مچھلی پکڑنے کے مقابلے پر نکلا ہوا تھا جس کے ہاتھ 20 کلو وزنی سنہرے رنگ کی مچھلی لگ گئی ،دی کیرٹ’ کے نام سے موسوم اس مچھلی کو مبینہ طور پر 20 سال قبل ایک نابالغ کے طور پر جھیل میں رکھا گیا تھا۔
ماہی گیری کے ترجمان کے مطابق جس ماہر گیر نے اس مچھلی کو پکڑا وہ بہت پرجوش ہے جبکہ ماہی گیر کا کہنا تھا کہ میں ہمیشہ جانتا تھا کہ دی کیرٹ وہاں موجود ہے لیکن کبھی نہیں سوچا تھا کہ میں اسے پکڑوں گا ۔
ہیکٹ نے بتایا کہ میں جانتا تھا کہ یہ ایک بڑی مچھلی ہے جب اس نے میرا چارہ لیا میں نے دیکھا کہ یہ نارنجی رنگ کی بہت بڑی مچھلی ہے اسے پکڑنا بہت اچھا تھا لیکن یہ سراسر خوش قسمتی بھی تھی۔
اسے پکڑنے کے بعد ہیکیٹ نے دیوہیکل مچھلی پر وضاحت کی کہ یہ مچھلی چمڑے کے کارپ اور کوئی کارپ کی ہائبرڈ تھی اور 25 منٹ کی لڑائی کے بعد وہ گولڈ فش جو بہت سے لوگوں کے لیے سفید وہیل تھی میری جال میں آگئی تھی ۔
عام طور پر پالتو جانوروں کے طور پر رکھی جانے والی گولڈ فش کی لمبائی چند انچ سے زیادہ نہیں ہوتی لیکن وہ کارپ فیملی کا حصہ ہیں جو متاثر کن تناسب تک پہنچ سکتی ہیں رنگین کوئی کبھی کبھار شوقینوں سے چھوٹی خوش قسمتی حاصل کرتی ہے۔
