لاہور: چوہنگ کے علاقے میں خاتون کے ساتھ مبینہ زیادتی کے الزام میں 2 پولیس اہلکاروں سمیت3 افراد کے خلاف مقدمہ درج کرکے انہیں گرفتار کرلیا گیا۔
ایف آئی آر کے مطابق مدعیہ نے الزام عائد کیا کہ قاری حسن نامی شخص نے ورغلا کر ایل ڈی اے ایونیو بلایا، جہاں پولیس اہلکار ارسلان نے دوسرے اہلکار احمد کے سامنے زیادتی کی جب کہ قاری حسن پہلے بھی زیادتی کا نشانہ بناچکا ہے ۔
دوسری جانب پولیس حکام کا کہنا ہے کہ متاثرہ خاتون کا میڈیکل کروایا جا چکا ہے اور متاثرہ خاتون ہی کی مدعیت میں درج مقدمے میں نامزد 3 ملزمان کو گرفتار کر لیا گیا ہے۔گرفتار ملزمان میں قاری محمد حسن،اہلکار ارسلان اور احمد علی شامل ہیں۔قبل ازیں سی سی پی او لاہور غلام محمود ڈوگر نے واقعے کا نوٹس لیتے ہوئے فوری کارروائی کی ہدایت کی تھی۔
ڈی آئی جی انویسٹی گیشن اطہر اسماعیل نے کہا کہ خواتین کے جنسی استیصال میں ملوث ملزمان کے خلاف بلا امتیاز کارروائی کی جائے گی۔
