اسلام آباد:پاکستان تحریک انصاف کے رہنما اور سابق وفاقی وزیر اطلاعات فواد چوہدری نے کہا ہے کہ نام نہاد وزیراعظم کی خوشامد سے پاکستان اور جنرل صاحبان کو دنیا میں سبکی کا سامنا ہے ۔
سماجی رابطے کی ویب سائٹ ٹوئٹرپربیان میں فواد چوہدری نے کہا ہے کہ نام نہاد وزیر اعظم آپ کو شا ید احساس نہ ہو لیکن آپ کی انتہائی گری ہوئی خوشامد سے پاکستان اور جنرل صاحبان کو دنیا میں شدید سبکی کا سامنا ہے کیونکہ نام نہاد ہی سہی وزیر اعظم کچھ بھرم رکھتا ہے کہ ملک وہ چلا رہا ہے اور اسے عوام کا مینڈیٹ ہے آپ نے ہر بھرم ہی ختم کر دیا ہے۔
انہوں نے کہا کہ شہباز گل کی ضمانت پر نوٹس ہوا ہے ایک ایسا کیس جو پشاور ہائیکورٹ کے نزدیک اتنا بے وقعت ہے کہ صوبائی حکومت کو نوٹس دئیے بغیر ایف آئی آرمعطل کر دی گئی، اس کیس میں اسلام آباد میں شہباز گل ہفتوں سے پابندسلاسل ہے اور بدترین تشدد کا سامنا کر چکا ہے بہرحال یہ وقت بھی گزر جائے گا ۔
جناب نام نہاد وزیر اعظم آپ کو شائد احساس نہ ہو لیکن آپ کی انتہائ گری ہوئ خوشامد سے پاکستان اور جرنل صاحبان کو دنیا میں شدید سبکی کا سامنا ہے کیونکہ نام نہاد ہی سہی وزیر اعظم کچھ بھرم رکھتا ہے کہ ملک وہ چلا رہا ہے اور اسے عوام کا مینڈیٹ ہے آپ نے ہر بھرم ہی ختم کر دیا ہے https://t.co/oAeu2ZyLLa
— Ch Fawad Hussain (@fawadchaudhry) September 5, 2022
ایک اور ٹویٹ میں فواد چوہدری نے کہا کہ جہاں تک مجھے یاد پڑتا ہے عمران خان نے غیر محب وطن کا ذکر ہی نہیں کیا تھا ہر جرنیل اور پاکستانی شہری محب وطن ہے، عمران خان نے میرٹ پر تقرری کی بات کی تھی ویسے بھی یہ سیاسی معاملہ ہے عدالتی نہیں، جج صاحبان کا ہر موضوع پر کمنٹس دینا نامناسب ہے۔
