اسلام آباد:وزیر اعظم شہباز شریف نے کہا ہے کہ پاکستان پی ٹی آئی کے دور میں اپنی منزل سے دور ہوگیا،پنجاب کو پونے4 سال بدترین گورننس کا نشانہ بنایا گیا، شہریوں کو مفت ادویات اور طلبا کو وظائف سے محروم کیا گیا ۔
وزیر اعظم نے کہا کہ عمران نیازی حکومت کے پونے 4سالہ سیاہ دورکی کرپشن،نا اہلی،معاشی تباہی،مافیاکی سہولت کاری و سرپرستی اورتبدیلی کے نام پر برپا کی گئی۔
انھوں نے مزید کہا کہ ایک شخص کی انا، انداز سیاست اور نااہلی نے معاشرے کے حسن کو تہہ و بالا کرکے رکھ دیا، اپنا ووٹ قومی ترقی اور اپنے بچوں کے روشن مستقبل کے لیے ڈالیں، مجھے آپ کی قوتِ انتخاب پر پورا بھروسہ ہے۔
