سابق صدر مملکت و شریک چیئرمین پاکستان پیپلز پارٹی آصف علی زرداری نے کہا ہے کہ ملک میں آئندہ حکومت پیپلز پارٹی کی ہو گی،پیپلزپارٹی کو حکومت کرنے کا موقع ملا تو میں پاکستان کو ایک سو دس ڈگری میں بدلوں گا.
سابق صدر مملکت و شریک چیئرمین پیپلز پارٹی آصف علی زرداری سے بلاول ہاﺅس لاہور میں پارٹی عہدیداران و کارکنان نے ملاقات کی جس دوران ملک کی مجموعی سیاسی صورتحال سمیت دیگر امور پر گفتگو کی گئی
بات چیت کرتے ہوئے صف علی زرداری کا کہنا تھا کہ کارکنان سے وعدہ کرتا ہوں کہ ملک میں آئندہ حکومت پیپلز پارٹی کی ہو گی اور ہم پورا شیئر لیں گے ۔ پیپلزپارٹی کو حکومت کرنے کا موقع ملا تو پاکستان کو ایک سو دس ڈگری میں بدلوں گا، اب پنجاب میں بیٹھوں گا اور سب سے مل کر کام کروں گا ۔
ان کا کہنا تھا کہ یہ کہنا کہ پنجاب اور جی بی میں پیپلز پارٹی ختم ہو گئی ہے یہ سفید جھوٹ ہے ۔ ہم نے اپنی سیاست قربان کرکے پاکستان بچانے کی کوشش کی ہے ۔ انوکھے لاڈلے کے چار سالہ پالیسیوں کے باعث آج ملک میں انتہاءکی مہنگائی ہے ۔
