راولپنڈی: راولپنڈی میں اغوا ہونے والی لڑکی کو چند گھنٹوں بعد بازیاب کرالیا گیا۔راولپنڈی میں 21 سالہ لڑکی کالج سے واپسی پر اپنے گھر کی گلی میں داخل ہوئی تو اسے کارسواروں نے اغوا کرلیا۔ پولیس نے اطلاع ملتے ہی بروقت کارروائی کرتے ہوئے ڈھائی گھنٹے میں لڑکی کو بازیاب کرالیا۔
پوٹھوہار پولیس نے اغوا کاروں کو گرفتار کر کے گاڑی اور اسلحہ برآمد کرلیا۔ پولیس کے ساتھ مزاحمت اورایس ڈی پی او کو زخمی کرنے پر ملزمان کے خلاف اٹک میں بھی مقدمہ درج کرلیا گیا۔ مغویہ کے والدین نے تھانہ ائیرپورٹ میں ملزمان کے خلاف مقدمہ درج کرادیا ہے۔
