لاہور (آن لائن) وزیراعلیٰ پنجاب حمزہ شہباز نے کہا ہے کہ وزیر اعظم شہباز شریف کے ریلیف پیکیج سے خلق خدا کی مشکلات کم ہوں گی۔ یہ ہے وہ احساس جو شہباز شریف کی عوامی خدمت کا خاصا ہے اور یہ ہے وہ حقیقی ریلیف جو عام آدمی کی اشک شوئی کے لئے ہے۔ انہوں نے کہا کہ شہباز شریف نام ہے خدمت کا، عام آدمی کے دکھوں کے مداوے کا۔ عمران نیازی تم احساس، اخلاقیات اور تہذیب سے نابلد ہو اور تمہیں حکمرانی کا کوئی حق نہیں۔ ریلیف تو دور کی بات، تم نے تو پونے چار برس قوم کو تکلیف میں مبتلا کیے رکھا۔ عمران نیازی تم الٹے بھی ہو جاؤ شہباز شریف کی ہوا کو نہیں چھو سکتے۔ وزیراعلیٰ حمزہ شہباز نے کہا کہ اللہ تعالیٰ سے دعا گو ہوں کہ ہمیں اسی طرح عوام کی مزید خدمت کی توفیق عطا فرمائے۔
