آئی پی ایل، گجرات ٹائٹنز پہلی مرتبہ فائنل میں پہنچ گئی

کولکتہ (جسارت نیوز)انڈین پریمیئر لیگ میں گجرات ٹائٹنز کی ٹیم کوالیفائر ون میچ میں راجستھان رائلز کو 7 وکٹوں سے شکست دے کر پہلی مرتبہ فائنل میں پہنچ گئی ، فاتح ٹیم کے مایہ ناز بلے باز ڈیوڈ ملر کی 68 رنز کی دھواں داراور ناقابل شکست اننگز نے اپنی ٹیم کی فتح میں اہم کردار ادا کیا۔ راجستھان رائلز کے جوز بٹلر کی 89 رنز کی اننگز رائیگاں گئی،گجرات ٹائٹنز کے ڈیوڈ ملر کو عمدہ اننگز کھیلنے پر میچ کا بہترین کھلاڑی قرار دیا گیا۔ایڈن گارڈنز ، کولکتہ میں کھیلے گئے لیگ کیکوالیفائر ون میچ میں راجستھان رائلزنے پہلے بیٹنگ کرتے ہوئے مقررہ20اوورز میں6وکٹوں کے نقصان پر 188 رنز بنائے، جوز بٹلر 89رنز کی شاندار اننگز کھیلی جسمیں2چھکے اور12چوکے شامل تھے، سنجو سیمسن 47 رنز کے ساتھ نمایاں بلے باز رہے۔گجرات ٹائٹنز کے محمد شامی ،یش دیال،سائی کشور اور کپتان ہاردک پانڈیا نے ایک ،ایک کھلاڑی کو آئوٹ کیا۔