پشاور (جسارت نیوز) ڈائریکٹر جنرل آف اسپورٹس خیبرپختونخوا اسکواش اکیڈمی کے دو کھلاڑیو ں محمد عمیر اور ہریرہ خان نے قطر انٹرنیشنل جونیئر اسکواش چمپئن شپ 2022 میں پاکستان کیلیے چاندی کے تمغے جیت لیے۔ ڈائریکٹوریٹ آف اسپورٹس کے ڈی جی خالد خان کا کہنا تھا کہ ڈائریکٹوریٹ جنرل آف اسپورٹس کے پی اور دی بینک آف خیبر کو بھی آپ دونوں پر فخر ہے‘ منصفانہ سلیکشن اور پروفیشنل کوچز کی محنت رنگ لا رہی ہے۔ جون 2021 میں دی بینک آف خیبر کے تعاون سے مزید تربیت کے لیے کھلاڑی منتخب کیے تھے اور اب وہ بین الاقوامی سطح پر کارکردگی کا مظاہرہ کر کے نہ صرف خیبر پختونخوا بلکہ پاکستان کا نام فخر سے بلند کر رہے ہیں۔ محمد عمیر اور ہریرہ خان نے کہا ہک ڈائریکٹوریٹ جنرل آف اسپورٹس کے بے حد مشکور ہیں کہ انہوں نے مجھ پر اعتماد کیا اور اس کے ساتھ ہی اپنے کوچنگ اسٹاف کا شکریہ ادا کرتا ہوں کہ وہ ہمارے مستقبل کے چمپئنز کو تربیت دینے کے لیے دن رات محنت کررہے ہیں۔ طاہر اقبال سینئر اسکواش کوچ نے خصوصی طور پر ان بچوں کی ٹریننگ کی زمیداری لی تھی اور ان کا کہنا ہے کے وہ دن دور نہیں کہ ہم دوبارا ورلڈ لیول کے پلیئرز پروڈیوس کریں گے۔
