گجرات: گجرات میں رشتے کے تنازع پر چچا نے اسپین آنے والی دو پاکستانی بہنوں کو فائرنگ کرکے قتل کر دیاہے ۔
پولیس کے مطابق دو بہنوں کے قتل کا واقعہ تھانہ گلیانہ کی حدود میں پیش آیا جہاں پر مبینہ طور پر چچا نے فائرنگ کرکے اپنی دو بھتیجیوں کو قتل کر دیا اور جائے وقوعہ سے فرار ہو گیا۔
واقعے کی اطلاع ملتے ہی پولیس اور فرانزک ٹیم موقع پر پہنچ گئی اور لاشوں کو پوسٹ مارٹم کے لیے اسپتال منتقل کر دیا۔
پولیس حکام کے مطابق 20اور 24سالہ مقتول بہنیں چند روز قبل ہی اسپین سے پاکستان آئیں تھی جنہیں ان کے چچا نے رشتے کے تنازع پر فائرنگ کرکے قتل کر دیا۔
ڈی پی او گجرات نے کہا کہ ملزمان کی گرفتاری کے لیے چھاپہ مار ٹیمیں تشکیل دیدی گئی ہیں، جلد ہی قتل کا مقدمہ درج کرکے ملزمان کو گرفتار کر لیا جائے گا۔
