ٹنڈومحمدخان (نمائندہ جسارت)ڈپٹی کمشنر ٹنڈومحمدخان یاسر بھٹی کی زیر صدارت ڈی سی کامپلیکس کمیٹی حال میں محکمہ صحت اور دیگر محکموں کے افسران کے ساتھ ایک اجلاس منعقد کیا گیا ۔ اس موقع پر ڈپٹی کمشنر یاسر بھٹی نے خطاب کرتے ہوئے کہاکہ 23 مئی سے پولیو کیخلاف مہم شروع کی جارہی ہے ، جسے کامیاب بنانا ہم سب کی ذمہ داری ہے ، انہوں نے کہاکہ مستقبل کے معذوری سے بچانے کے لیے ہر شخص اور ہر ادارے کو اپنی ذمے داریاں نبھانی ہوں گی ، پولیو مہم کے دوران کسی بھی قسم کی کوتاہی برداشت نہیں کی جائے گی ، اگر پولیو مہم کے دوران کسی بھی فرد کیخلاف شکایت ملی تو اس کیخلاف کاروائی کی جائے گی ، عوام کو چاہیے کہ وہ پولیو کے سلسلے میں پولیو ورکر ز سے مکمل تعاون کریں ، اس موقع پر پولیو کے فوکل پرسن ڈاکٹر مسرور عالمانی نے بریفنگ دیتے ہوئے بتایا کہ ضلع بھر میں 5 سال تک کے 154082 بچوں کو پولیو کے قطرے پلانے کا ہدف مقرر کیا گیا ہے جس کے لیے 390 کشتی 34 فکسڈ اور 26 ٹرانزیکٹ پوائنٹس بنائے گئے ہیں ، 82 یونین کاؤنسلوں میں 89 ایریا انچارجز اور 4 تعلقہ سپروائیزرس مقرر کیے گئے ہیں۔
