سیہون(آن لائن)سیہون شریف کے قریب 2بسوں میں تصادم، 4 افراد جاں بحق، 25 سے زائد زخمی۔ مسافروں سے بھری2 بسیں آمنے سامنے ٹکرا گئیں۔حادثہ انڈس ہائی وے روڈ پر آمری کے مقام پر پیش آیا، جاں بحق افراد کی تاحال شناخت نہیں ہوسکی ۔ڈپٹی کمشنر جامشوروکا کہنا تھا کہ ایک مسافر کوچ کراچی سے لاڑکانہ جارہی تھی، دوسری کوچ لاڑکانہ سے کراچی جارہی تھی کہ تیز رفتاری کے باعث آمنے سامنے تصادم ہو گیا، زخمیوں کو سید عبداللہ شاہ انسٹیٹیوٹ آف میڈیکل سائنسز سیہون منتقل کردیا گیا ہے، زخمیوں میں خواتین اور بچے بھی شامل ہیں،جہاں طبی امداد دی جارہی ہے۔حادثے کا شکار کوچز مکمل طور پر تباہ ہو گئیں۔ حادثے کی اطلاع پر مقامی رہائشیوں نے پولیس اور ریسکیو عملے کی مدد سے زخمیوں کواسپتال منتقل کرایا۔
