اسلام آباد(نمائندہ جسارت)وفاقی وزیر صحت عبدالقادر پٹیل نے کہا ہے کہ آصف علی زرداری نے مشرف کو نکالا عمران خان توایک پھونک کی مار تھے‘سابق وزیراعظم کودوست ممالک کے دیے ہوئے تحفے بازار میں بیچتے ہوئے شرم کیوں نہیں آئی‘ نیازی صاحب شوق سے سندھ آئیں وہاں سے صرف شٹ اپ کا جواب ملے گا ‘عمران خان کو نوجوانوں کو گمراہ کرنے کا ٹھیکہ ملا تھا ،عمران خان بتائیں عدلیہ اور فوج کے خلاف مہم جوئی کا ٹھیکا کہاں سے ملا ہے ۔
