بدین(نمائندہ جسارت) پیپلزپارٹی پیپلز ڈاکٹرز فورم سندھ کی جانب سے بلاول زرداری کا 15 مئی کو کراچی پہنچنے پر فقید المثال استقبال کرنے کا اعلان، تیاریاں جاری ۔پیپلز پارٹی کے چیئرمین اور وفاقی وزیر خارجہ بلاول زرداری کا وزیر خارجہ منتخب ہونے کے بعد پہلی بار 15مئی کو کراچی آمد پر تاریخی اور فقیدالمثال استقبال کرنے کی تیاریوں کے سلسلہ میں پیپلزپارٹی کے رہنماؤں معاونین پیر نور اللہ قریشی تنزیلہ قمبرانی ایم پی اے تاج محمد ملاح ضلعی صدر حاجی رمضان چانڈیو جنرل سیکرٹری حاجی سائیں بخش جمالی عبدالرحمان بلوچ ساجدہ ٹالپور پیپلز ڈاکٹرز فورم سندھ کے صدر ڈاکٹر عبدالرزاق شیخ اور کراچی ڈویژن کے صدر ڈاکٹر عاشق حسین شاہ بدین کے صدر ڈاکٹر ظہور عباسی نائب صدر ڈاکٹر ممتاز چانڈیو نے چیئرمین پیپلز پارٹی بلاول زرداری کے کراچی میں استقبال اور جلسے کے حوالے سے کہا ہے کہ 15 مئی کو ہمارے ہردلعزیز چیئرمین اور عوامی لیڈر بلاول زرداری کا سندھ کی عوام شاندار استقبال کرنے جارہی ہے اور اس موقع پر کارکن انہیں اپنے نانا شہید ذوالفقار علی بھٹو کی طرح وزیر خارجہ کا منصب سنبھالنے پر مبارکباد بھی دیں گے۔ پیپلز ڈاکٹرز فورم کے مرکزی رہنما ڈاکٹر عاشق حسین شاہ نے کہا ہے کہ عوام اپنے محبوب چیئرمین اور بی بی شہید کے لخت جگر بلاول زرداری کا فقید المثال استقبال کریں گے اور جلسے میں پیپلز پارٹی کے تمام ذیلی ونگز کے طرح پیپلز ڈاکٹرز فورم بھی اپنی پوری افرادی قوت کے ساتھ شرکت کریں گے۔
