سکھر (نمائندہ جسارت)پولیس کی ایک اور اہم کامیابی، کندھ کوٹ سے اغواء ہونے والا مغوی باحفاظت بازیاب، ترجمان پولیس کے مطابق نامعلوم ملزمان نے مغوی ٹیکسی ڈرائیور غلام اکبر کھوسو کو تقریباً ایک ماہ قبل رینٹ اے کار کے بہانے بلا کر کندھ کوٹ سے اغواء کرکے لے گئے تھے،ملزمان نے مغوی کو غوث پور کے کچے منتقل کیا اور مغوی کی بازیابی کے لیے ورثاء سے بھاری تاوان طلب کیا، پولیس نے خفیہ اطلاع پر کاروائی کرکے غوث پور کچے کے علاقے سے مغوی کو باحفاظت بازیاب کرالیا،اغواء کار مغوی کو ایک مقام سے دوسرے مقام منتقل کر رہے تھے کہ پولیس نے اغواء کاروں کا محاصرہ کرکے تعاقب کیا ،تعاقب کے دوران اغوا کار مغوی کو چھوڑ کر موقع سے فرار ہو گئے، اہلخانہ نے مغوی کی بازیابی پر ایس ایس پی سکھر سنگھار ملک کا شکریہ ادا کیا اور پھولوں کے ہار پہنائے اور نیک تمناؤں کا اظہار کیا ۔علاوہ ازیں پولیس نے کچے میں ڈاکوؤں اور ان کے سہولت کاروں کے خلاف کارروائی میں پنوعاقل سے اغواء کیے گئے مغوی عبدالجبار سمیجو کو باحفاظت بازیاب کرالیا۔بازیاب مغوی کو عید کے پہلے روز نامعلوم ڈاکوؤں نے اسلحہ کے زور پر اغواء کرکے کچے منتقل کیا اور بازیابی کے لیے بھاری تاوان طلب کیا گیا تھا ۔
