سکھر (نمائندہ جسارت) پاکستان ریلوے پریم یونین (سی بی اے ) کے مرکزی سیکرٹری جنرل خیرمحمد تنیو و دیگر عہدیداران نے فرخ تیمور کو ریلوے چیف ایگزیکٹو آفیسر مقرر ہونے پردلی مبارکباد پیش کرتے ہوئے نیک تمناؤں کا اظہار کیا ہے۔ ایک بیان میں پریم یونین نے کہا ہے کہ فرخ تیمور کی ماضی کی کارکردگی قابل ستائش ہے، توقع ہے کہ وہ پاکستان ریلوے کو اپنے پاؤں پر کھڑا کرنے میں اہم کردار ادا کریں گے اور مدت سے بند پسنجر ٹرینوں کے بحالی واجبات کی فوری ادائیگیوں کو ممکن بنائیں گے، فرخ تیمور سی او سے اچھے اقدامات کی امید رکھتے ہیں۔
