سکھر، پولیس اور ڈاکوؤں میں مقابلہ ،اے ایس آئی شہید ،ڈاکو فرار

سکھر (نمائندہ جسارت) سکھرمیں پولیس اور ڈاکوؤں میں مقابلہ ،اے ایس آئی شہید ،ڈاکو فرار ، شہید اے ایس آئی کی نعش اسپتال پہنچا دی گئی ،ایس ایس پی و دیگرحکام اسپتال پہنچ گئے، سکھر کے علاقے بیراج کالونی میں پولیس اور ڈاکوؤں کے درمیان مقابلے میں اے سیکشن تھانے کی چوکی لانچ موڑ کا انچارج اے ایس آئی گل حسن تگڑ موقع پر گولیاں لگنے سے شہید ہوگئے جبکہ ڈاکو فائرنگ کرنے کے بعد فرار ہوگئے، شہید پولیس اہلکار کی نعش فوری طور پر سول اسپتال سکھر پہنچادی گئی۔ مقابلے کی اطلاع پر ایس ایس پی سنگھار ملک اور دیگر حکام بھی اسپتال پہنچ گئے پولیس کے مطابق ڈاکو سکھر کے علاقے جناح چوک سے واردات کے بعد فرار ہورہے تھے کہ اطلاع ملتے ہی. انچاج لانچ موڑ چوکی اے ایس آئی گل حسن تگڑڑ نے اپنے اہلکاروں کے ہمراہ ان کا تعاقب کیا جس کے دوران مقابلہ ہوگیا دوسری جانب معلوم ہواہے کہ اے ایس آئی نے مقابلے کے دوران حکام سے مزید نفری طلب کی مگر نفری کی آمد میں تاخیر کے باعث ڈاکو اے ایس آئی کو شہید کرکے فرار ہوگئے۔