دورہ یورپ، پاکستان ہاکی ٹیم کافتح سے آغاز

کراچی (اسٹاف رپورٹر) دورہ یورپ پر پاکستان ٹیم نے اپنی مہم کا آغاز کامیابی کے ساتھ کیا اور نیدر لینڈ کو 5کے مقابلے میں3گول سے ہرادیا رضوان نے ہیٹ ٹرک اسکور کی۔ دورہ یورپ پر پاکستان ہاکی ٹیم نے پہلے میچ میں نیدرلینڈ کو شکست دے دی کھیل کے آغاز میں پاکستان کے اعجاز نے گول کرکے ٹیم کو برتری دلائی لیکن نیدرلینڈ نے لگاتار 2 گول کرکے ایک گول کی برتری حاصل کرلی تیسرے اور چوتھے کوارٹر میں پاکستان ٹیم نے شاندار کھیل کا مظاہرہ کرکے نہ صرف برتری حاصل کی بلکہ میچ 5 کے مقابلے میں 3 گول سے جیت لیا پاکستان کی جانب سے رضوان نے3 مبشر اور اعجاز نے ایک، ایک گول کیا.۔قومی ہاکی ٹیم کے ہمراہ منیجر اولمپیئن خواجہ جنید ,ہیڈ کوچ سیگفرائیڈایکمین معاون کوچ وسیم احمد,ڈریک فلیکر کوچرچرڈ اسنیچر اور گول کیپر کوچ باب جان ویلڈیف بھی موجود ہیں۔ پاکستان دورہ یورپ کا دوسرا میچ آج نیدرلینڈ کے خلاف ہی بریڈا میں کھیلاجائے گا۔