نوابشاہ (نمائندہ جسارت)ایس ایس پی شہید بینظیر آباد امیر سعود مگسی کا پریس کانفرنس کرتے ہوئے کہنا تھا کہ شہید بینظیر آباد پولیس نے 3 اہم مقدمات میں کامیاب کارروائیاں کرتے ہوئے چند روز قبل ملک کالونی نوابشاہ سے ڈاکٹر کوثر کے گھر ہونے والی 4 لاکھ کیش،10 لاکھ مالیت کے پرائز بانڈ سمیت تلائی زیورات کی چوری ملزمان سمیت ریکور کرلی ہیں جبکہ ڈکیتی کی واردات میں ملوث ملزمان کو گرفتارکر کے 2 عدد ٹی ٹی پستول گولیاں اور ایک عدد چوری شدہ موٹر سائیکل بھی برآمد کی گئی ہیں جبکہ دوسرے مقدمے میں تھانہ قاضی احمد کے حدود میں خاتون افروز انڑ کے قتل میں ملوث ملزم کو بھی پولیس نے آلہ قتل سمیت گرفتار کرلیا ہیں جبکہ تیسرے کیس میں کم عمر بچے سے بد فعلی کرنے والے اور بچے کے ساتھ بد فعلی کی ویڈیو شوشل گروپس پر وائرل کرنے والے ملزم کو بھی پولیس نے گرفتار کر لیا۔ ایس ایس پی امیر سعود مگسی کا کہنا تھا کہ اہم کارروائیوں سمیت سیو سٹی پروجیکٹ کے تحت عید الفطر سے قبل سیکورٹی کا جامع پلان بھی ترتیب دے دیا گیا ہے خواتین کی سیکورٹی کے لیے خصوصی طور پر خاتون کمانڈوز کو بھی تعینات کیا جائے گا۔
