کراچی(اسٹاف رپورٹر)امیر جماعت اسلامی پاکستان سراج الحق کی اپیل پر فلسطینی مسلمانوں پر مظالم اور القدس پر حملے کے خلاف کل بروز جمعہ 22اپریل کو کراچی تا کشمور سندھ بھر میں یومِ یکجہتی فلسطین منایاجائے گا۔علما کرام اسرائیلی دہشت گردی کے خلاف اظہار خیال کریں گے جبکہ احتجاجی مظاہروں میں فلسطین کے مظلوم عوام سے اظہار یکجہتی کیا جائے گا جن سے جماعت اسلامی کے مرکزی، صوبائی اور ضلعی رہنما خطاب کریں گے۔صوبائی امیر محمد حسین محنتی نے عوام سے اپیل کی ہے کہ وہ یکجہتی فلسطین کے اجتماعات میں بھرپورشرکت کرکے اپنے مظلوم فلسطینی بھائیوں کے ساتھ اظہار یکجہتی اور اسرائیلی دہشت گردی کے خلاف صدائے احتجاج بلند کریں۔
