پاکستان ہاکی ٹیم کا دورہ یورپ، کھلاڑیوں کے اعلان میں تاخیر

کراچی(اسٹاف رپورٹر)پاکستان ہاکی فیڈریشن سلیکشن کمیٹی کی جانب سے دورہ یورپ کے لئے کھلاڑیوں کے ناموں کا اعلان مسلسل تاخیر کا شکار ہے۔ پی ایچ ایف نے کہاہے کہ آج ویزے ملنے کی امید ہے، یورپی ویزے ملنے کے بعد قومی ہاکی اسکواڈ کا اعلان کیا جائیگا۔واضح رہے کہ قومی ہاکی ٹیم کی 22 اپریل کو ہالینڈ روانگی کا شیڈول ہے، اس یورپی دورے میں پاکستان ٹیم6 میچز کھیلے گی ، 26 اور27اپریل کو ہالینڈ کے خلاف میچز ہوں گے۔اس کے علاوہ 29 اپریل کو بلجئیم جبکہ 2، 3 اور 5 مئی کو اسپین میں میچز ہوں گے۔پی ایچ ایف کا کہنا ہے کہ دورے کے لیے25 کھلاڑیوں کو شارٹ لسٹ کر لیا گیا، ویزوں کے بعدکھلاڑیوں کی حتمی تعداد کا فیصلہ ہوگا۔پی ایچ ایف نے بتایا کہ دورہ یورپ کے لیے مینجمنٹ کو مختصررکھنے کا فیصلہ کیا گیا، ضروری ارکان یورپ جائیں گے۔