گلبرگ ہاکی کلب نے بلدیہ کلب کوشکست دیدی

کراچی (اسٹاف رپورٹر)کے ایچ اے فائف اے سائیڈ رمضان فیسٹول ہاکی چیمپئنز لیگ کے چوتھے دن گلبرگ کلب نے بلدیہ ایچ سی کو دلچسپ اور سنسنی خیز مقابلے کے بعد 7 کے مقابلے میں 8 گول سے شکست دیدی، کے ایچ اے اسپورٹس کمپلیکس میں کراچی ہاکی ایسوسی ایشن کے زیر انتظام جاری چمپئنز لیگ کے اہم میچ کے پہلے ہاف کے اختتام پر بلدیہ ہاکی کلب کو 1-3 کی برتری حاصل تھی، تاہم دوسرے ہاف میں گلبرگ کلب نے جارحانہ اور کمبائنڈ کھیل کا مظاہرہ کیا جس کے باعث فاتح ٹیم نے کم بیک کرتے ہوئے 7-8 سے کامیابی حاصل کرلی، گلبرگ ایچ سی کے مبشر شیخ نے 21, 29, 36 اور 38 ویں منٹ میں گیند جال میں پھینک کر جیت میں اہم کردار ادا کیا، دیگر کھلاڑیوں منیل نیازی نے 33 اور 38 ویں منٹ میں جبکہ ماواز آفریدی اور ثاقب الرحمن نے بالترتیب 8ویں اور 22 ویں منٹ میں گول کیے۔ دوسرے میچ میں یوتھ اورنج ہاکی کلب نے سینٹرل فٹنس کلب پر گول کی بارش کردی۔ سینٹرل فٹنس کے ایک گول کا جواب فاتح ٹیم نے 21 گولز سے دیا۔پہلے ہاف کے اختتام پر یوتھ اورنج کو 1-10 کی برتری حاصل تھی دوسرے ہاف میں یوتھ اورنج نے مزید11 گول کردیے۔