اسلام آباد (صباح نیوز) تحریک انصاف کے سیکرٹری جنرل اور سابق وفاقی وزیر منصوبہ بندی اسد عمر نے کہا ہے کہ کراچی نے کبھی اپنے کپتان کو مایوس نہیں کیا، یہاں کے عوام نیا پاکستان بنانے میں ہراول دستے کا کردار ادا کریں گے۔ ان خیالات کااظہارانہوں نے ایک ٹوئٹ پر جاری کیا۔دوسری جانب تحریک انصاف کے رہنما اور سابق وفاقی وزیر برائے اطلاعات ونشریات فواد چودھری نے کہا کہ پشاور اور کراچی کے عوام ملک انقلاب کے لیے تیار ہیں،ملک کا ہر شہر تحریر اسکوائر بنے گا، اس امپورٹڈ حکومت کے خاتمے کی کال آنے والی ہے تیار رہو اور عمران خان کے اعلان کا انتظار کرو،ان کا کہنا تھا کہ امپورٹڈحکومت نامنطور۔
