سکھر (نمائندہ جسارت) پولیس مقابلہ، تھانہ پٹنی کی حدود ابیل جھانو لنک روڈ میں پولیس اور ڈاکوؤں کے درمیان مقابلہ، 2 ڈاکو زخمی حالت میں گرفتار اسلحہ اور مسروقہ موٹر سائیکل، 2 عدد پستول میگزین اور گولیاں برآمد، ایک ڈاکو فرار، ترجمان پولیس کی موٹرسائیکل سوار ڈاکو نیشنل ہائی وے کے قریب ابیل جھانو لنک روڈ پر موٹرسائیکل چوری کی واردات کر رہے تھے کہ موقع پر پولیس کو دیکھتے ہی فرار ہونے کی کوشش کی اور پولیس پر فائرنگ شروع کردی، پولیس تعاقب کے دوران جوابی فائرنگ میں 2 ڈاکوؤں کو زخمی حالت میں گرفتار کرلیا گیا جبکہ رات کی تاریکی کا فائدہ اُٹھاتے ہوئے ہوئے دو موٹرسائیکل سوار ڈاکو موقع سے فرار ہونے میں کامیاب ہوگئے، فرار ڈاکوؤں کی گرفتاری کے لیے علاقے میں سرچ آپریشن جاری ہے۔گرفتار زخمی ڈاکوؤں کی شناخت مشتاق میرانی اور میر حسن مھر کے نام سے ہوئی ہے، زخمی ڈاکو کار اسنیچنگ موٹرسائیکل چوری، ڈکیتی پولیس مقابلوں سمیت متعدد مقدمات میں پولیس کو انتہائی مطلوب تھے۔
