کوکا کولا بیوریجز ورکرز یونین کے فنانس سیکرٹری محمد سفیر مغل کا کراچی سے 15 مارچ کو کوکا کولا گرین فیلڈ ہری پور حطار ٹرانسفر ہو گیا ہے 14 مارچ کو یونین کے فنانس سیکرٹری محمد سفیر مغل کو کراچی سٹی کونسل اور یونین کے ممبران نے الوداعی تقریب کا انعقاد کرتے ہوئے کراچی پلانٹ اور یونین کے لیے خدمات کو سراہتے ہوئے شاندار خراج تحسین پیش کیا۔ سفیر مغل نے کراچی پلانٹ اور یونین سے گزشتہ 27سالوں سے منسلک تھے۔ یونین کے فنانس سیکرٹری نے اس موقع پر سٹی کونسل کراچی اور اس کے ممبران کی جدو جہد کو تاریخی قرار دیا۔ تنظیم پر ہر مشکل وقت میں ہر اول دستے کا کردار ادا کرنے پر خراج تحسین پیش کیا اور اپنی انہی خدمات کو کوکا کولا گرین فیلڈ ہری پور حطار پلانٹ جاری رکھنے کا اعادہ کیا۔ محمد سفیر مغل کا ہری پور حطار گرین فیلڈ پلانٹ پہنچنے پر یونین کی سٹی کونسل اور ممبران نے پرتپاک استقبال کیا جس پر فنانس سیکرٹری نے سٹی کونسل اور تمام ممبران کا شکریہ ادا کیا۔
