اسلام آباد (جسارت نیوز)پاکستان ٹین پن بائولنگ فیڈریشن کے زیر اہتمام ٹین پن بایولنگ لیگ آج سے لیزر سٹی بائولنگ کلب جناح پارک راولپنڈی میں شروع ہوگی۔پاکستان ٹین پن بائولنگ فیڈریشن کے صدر اعجاز الرحمن نے بتایا کہ ایونٹ کے تمام انتظامات مکمل کر لیے گئے ہیں اور لیگ کے میچز 9، 16 اور 23 اپریل کو کھیلے جائیں گے ۔ ایونٹ میں تین کیٹگریز کے مقابلے رکھے گئے ہیں جن میں ماسٹر سنگلز، ڈیف مرد اور ڈیف خواتین کے ایونٹس شامل ہیں اور ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کیے جائیں گے۔
