اسلام آباد(جسارت نیوز)پاکستان کراٹے فیڈریشن کے زیراہتمام ایشین گیمز کی تیاری کے سلسلہ میں قومی کراٹے ٹیم کے کھلاڑیوں کا تربیتی کیمپ پاکستان اسپورٹس کمپلیکس، اسلام آباد میں جاری ہے۔قومی کوچ شوکت علی نے بتایا کہ تربیتی کیمپ میں 16 مرد کھلاڑیوں کو مدعو کیا گیا تھا ان کھلاڑیوں میں سعدی عباس، باز محمد، نصیر احمد، محمد اویس، شہباز خان، علی محمود، نعمت اللہ، مراد خان، رحمت اللہ، ابراہیم، شبیہ رضاودیگر شامل ہیں۔
