لاہور: پاکستان اور آسٹریلیا کے درمیان کرکٹ میچز کے دوران 8ہزار سے زائد پولیس افسران اور اہلکار حفاظتی ڈیوٹی پر تعینا ت ہوں گے۔ پولیس ترجمان کے مطابق ٹیموں کے روٹ،رہائش گاہ اورا سٹیڈیم کی سی سی ٹی وی کیمروں کی مدد سے مسلسل مانیٹرنگ کی جائے گی،سینئر پولیس افسران روٹ، کھلاڑیوں کی رہائش گاہ اور اطراف میں سکیورٹی انتظامات کا خود جائزہ لیں گے ۔ سی سی پی او لاہور فیاض احمد دیو نے کہا ہے کہ پولیس افسران و اہلکار انتہائی الرٹ رہیں،مشکوک افراد سرگرمیوں پر کڑی نظر رکھیں، سی ٹی او لاہور ٹریفک بہا ئوکا جائزہ لیں،شہریوں کے لئے ٹریفک ایڈوائزری پر عملدرامد یقینی بنائیں، پولیس افسران ضلعی انتظامیہ، دیگر سکیورٹی اداروں کے ساتھ مکمل رابطے میں رہیں،ڈولفن،پی آریو،ایلیٹ ودیگر ٹیمیں روٹ اور نجی ہوٹل کے اطراف موثر پٹرولنگ کریں۔فیاض احمد دیو نے کہا کہ پاک آسٹریلیا کرکٹ سیریز کے پیش نظر شہر بھر میں سرچ اینڈ سویپ آپریشنز بھی جاری رکھے جائیں۔
