لاہور (نمائندہ خصوصی)پاکستان اور آسٹریلیا کی کرکٹ ٹیموں کے کھلاڑیوں نے جمخانہ کلب میں صبح 6 سے 12 بجے تک گالف کھیلی ۔ اس موقع پرڈی آئی جی آپریشنز ڈاکٹر عابد خان ٹیموں کے ہمراہ موجود رہے، ترجمان کے مطابق سی ٹی او منتظر مہدی ، ایس پی ڈولفن صاعد عزیز بھی ڈی آئی جی آپریشنز کے ہمراہ تھے، کھلاڑیوں کو سخت سکیورٹی حصار میں واپس ہوٹل پہنچا یا گیا،ڈی آئی جی آپریشنز نے مقامی ہوٹل کے سکیورٹی انتظامات کا بھی جائزہ لیااور ڈیوٹی پر تعینات جوانوں کو الرٹ رہنے کی ہدایت کی۔
