کراچی(اسٹاف رپورٹر)ایشیا ہاکی کپ کی میزبانی انڈونیشیا کو مل گئی۔ایشیا کپ 23 مئی سے جکارتہ میں شرو ع ہوگا، فائنل یکم جون کوکھیلاجائے گا۔ ایشین ہاکی فیڈریشن اور انڈونیشن ہاکی فیڈریشن کے ساتھ معاہدہ طے پاگیا۔ اس بات کا اعلان ایشین ہاکی فیڈریشن نے کیا۔اے ایچ ایف اور انڈونیشین ہاکی فیڈریشن کے درمیان ایشیا کپ کی میزبانی کے حوالے سے معاہدے کی تقریب میں چیف ایگزیکٹو ایشین ہاکی فیڈریشن طیب اکرام اور انڈونیشیا ہاکی فیڈریشن کے حکام شریک ہوئے۔ ایشیا کپ کی پہلی4 ٹیمیں ورلڈ کپ کے لیے کوالیفائی کریں گی۔ واضح رہے کہ ایشیا کپ کی تیاریوں کیلیے ٹیم کاکیمپ لاہور میں جاری ہے۔
