لاڑکانہ(نمائندہ جسارت) سیپکو کی تاریخ میں پہلی مرتبہ لاڑکانہ میں انٹر پرائز ریسورس پلاننگ سیل متعارف کرایا جا رہا ہے جس کا افتتاح سیپکو کے سی ای او جلدکریں گے ، اس سلسلے میں ای آر پی لاڑکانہ کے انچارج ایاز سومرو نے میڈیا کو بتایا کہ سیپکو کے چیف ایگزیکیوٹو آفیسر سعید احمد ڈاوچ کی کوششوں سے لاڑکانہ سرکل میں ملازمین کو درپیش مسائل کے حل اور انکو ایک جگہ یکجا کرنے کے لئے انٹر پرائز ریسو رس پلاننگ سیل کا قیام عمل میں آگیا ہے۔ انہوں نے بتایا کہ اس سیل میں ہیومن ریسورس، میٹریل، فنانس کے علاوہ مختلف پراجیکٹس کے کاموں کو آن لائن سسٹم کے ذریعے مسائل کو موقع پر ہی حل کیا جائے گا۔
