کراچی (آن لائن) تحریک انصاف کے سندھ اسمبلی میں پارلیمانی لیڈر خرم شیر زمان نے اپنے بیان میں کہا کہ بلاول کو چیلنج ہے نعرے بھٹو کے بجائے اپنے بابا کا نعرہ لگائیں پرچی چیئرمین کو عوامی ردعمل سے اپنی اور بابا کی حیثیت کا اندازہ ہوجائے گا، سندھ میں پی ٹی آئی کی مقبولیت سے جعلی بھٹو کے اوسان خطا ہوچکے ہیں سندھ کے لٹیرے پنجاب میں فرشتے بننے کی ناکام کوشش کررہے ہیں ۔ بار بار ملکی آئین کو چور چور کرنے والوں کو عوام معاف نہیں کرے گی سندھ کے عوام نے سندھ حقوق تحریک کو کامیاب بنانے میں بھرپور ساتھ دیا پی ٹی آئی نے سندھ کو زرداری مافیا سے پاک کرنے کا عہد کرلیا ہے غنڈہ گردی، قبضے، رشوت، دو نمبری سے سندھ کے عوام کو نجات دلائیں گے پنجاب پی پی کو عزت نہیں دیتا تو ووٹ کیا دے گا۔خرم شیر زمان نے کہا کہ ملک کی بھلائی کیلیے عمران خان سے بہتر کوئی چوائس نہیں ، قوم سے جمع کیا ٹیکس قوم پر ہی خرچ کیا ، پیٹرول بجلی پر عوام کو ریلیف دیا ۔
