کراچی(اسٹاف رپورٹر)زیڈ اے اسپورٹس کے زیراہتمام منعقدہ بدر جعفری انویٹیشن کرکٹ ٹورنامنٹ میں داؤد اسپورٹس نے سرسید کرکٹ کلب کو 68 رنز سے شکست دے کر کوارٹر فائنل میں رسائی حاصل کرلی۔ ٹی ایم سی کرکٹ گرائونڈ پر داؤد اسپورٹس نے پہلے بیٹنگ کرتے ہوئے حیدر عباس کی شاندار سنچری کی بدولت مقررہ 40 اوورز میں7وکٹوں کے نقصان پر 271 رنز اسکور کیے۔ ہدف کے تعاقب میں سرسید کرکٹ کلب کی پوری ٹیم37.5 اوورز میں 203 رنز بناکر آئوٹ ہوگئی جمشید احمد نے 52 رنزبناکر نمایاں رہے۔
