اسلام آباد (آن لائن) مرکزی سیکرٹری جنرل پاکستان تحریک انصاف و وزیر منصوبہ بندی اسد عمر نے کہا ہے کہ عالمی میڈیا اسلاموفوبیا اور ماحولیاتی تغیرات کے انسداد جیسے موضوعات پر وزیراعظم عمران خان کے ویژن و مؤقف کو موضوعِ سخن بناتا ہے۔ اپنے ایک بیان میں اسدعمر نے کہا کہ کورونا کے تدارک اور عوام کے سماجی تحفظ کے حوالے سے عمران خان کی کامیابیوں کے تذکرے بھی عالمی میڈیا میں گونجتے ہیں۔ پیپلز پارٹی/نون لیگ کی قیادت کی عالمی میڈیا میں شہرت کی وجوہات باعثِ عبرت ہیں۔ انہوں نے کہا اب تو عالمی میڈیا ان کی کرپشن اور لوٹ مار کے طریقوں پر لمبے لمبے مضامین چھاپ رہا ہے۔ دونوں جماعتیں اپنی قوم کو لوٹنے اور بیرونِ ملک ناجائز جائیدادیں بنانے پر عالمی میڈیا کی توجہ کا مرکز بنتے ہیں۔
