لاڑکانہ(نمائندہ جسارت) نصیرآباد کے قریب گاؤں چناڑو مکین شادی شدہ نوجوان سعید احمد جونیجو نے گھریلو ناچاقیوں کے باعث خود پر پستول کے فائر کرکے خودکشی کی کوشش کی جسے اہل خانہ کی جانب سے تشویشناک حالت میں چانڈکا اسپتال کے شعبہ حادثات منتقل کردیا گیا جہاں انہیں طبی امداد دی گئی۔اس موقع پر نوجوان کے اہل خانہ نے بتایا کہ نوجوان سعید احمد سے گھریلو ناچاقیوں کے باعث خود پر پستول کے فائر سے خودکشی کی کوشش کی جسے اسپتال منتقل کردیا ہے۔دوسری جانب لاڑکانہ شہر کے قریب نوڈیرو بائی پاس پر روڈ کراس کرنے کے دوران تیز رفتار کار کی ٹکر سے شادی شدہ 32 سالہ روبینہ بھٹو شدید زخمی ہوئیں جسے پولیس اور آس پاس کے لوگوں نے زخمی حالت میں چانڈکا اسپتال کے شعبہ حادثات منتقل کردیا جہاں انہیں طبی امداد دی گئی، پولیس کے مطابق نامعلوم کار ڈرائیور نے روڈ کراس کرنے کے دوران خاتون کو ٹکر ماردی جس کے نتیجے میں وہ شدید زخمی ہوئیں تاہم حادثے کے بعد ڈرائیورفرار ہوگیا جس کے بعد زخمی خاتون کو علاج کے لیے اسپتال منتقل کرکے ڈرائیور کی گرفتاری کے لیے چھاپے مارے جارہے ہیں۔
